سەردێڕ:

تەندروستیی کەرکوک: حاڵەتێکی نوێی توشبوون بە کۆرۆنا تۆمارکرا

فۆتۆ: 
2020-03-24

4087 جار خوێندراوەتەوە

تەندروستیى کەرکوک رایگەیاند، ئافرەتێکى بەتەمەن توشی ڤایرۆسی کۆرۆنا بوو.

کەریم وەلی بەڕێوەبەرى تەندروستیى کەرکوک بە ئێن ئاڕ تى راگەیاند، ئەو کەسەى توشبووە ئافرەتێکى تەمەن ٧٠ ساڵانە و تەندروستیشی ناجێگیرە.

ئاماژەى بەوەشکرد، ئافرەتەکە خەڵکى ناحیەى تازەیە لە باشورى کەرکوک و سەردانی هیچ وڵاتێکی نەکردووە و تا ئیستاش نازانرێت چۆن ڤایرۆسەکەى بۆ گواستراوەتەوە.

 ئەوەش لەکاتێکدایە، لە ئێستادا هەشت حاڵەتی توشبوون بە کۆرۆنا لە کەرکوک تۆمارکراوە کە شەشیان رەوانەى ماڵەوە کران و تەنیا دوو توشبوو ماون.

بەپێی ئامارەکانی وەزارەتی تەندروستیی، تاوەکو ئێستا ٣١٧ توشبووی کۆرۆنا لە عێراقدا تۆمارکراوە و لەو ژمارەیەش ٢٧ کەس گیانیان لەدەستداوە و ٧٥ کەسیش بەتەواوی چاکبوونەتەوە.