سەردێڕ:

رۆژی دووشەممە موچەى ئەم وەزارەتە دابەشدەکرێت

موچەی مانگی ١٢ی ساڵی رابردوو
فۆتۆ: 
2020-03-21

321380 جار خوێندراوەتەوە

دیجیتاڵ میدیای ئێن ئاڕ تی، هەولێر، هێرش قادر

سەرچاوەیەک لە وەزارەتی دارایی ڕاگەیاند، ڕۆژی دووشەممە، ٢٣ی ئازاری ٢٠٢٠ موچەی مانگی ١٢ی ساڵی رابردووی وەزارەتی پەروەردە دابەشدەکرێت.

سەرچاوەیەک لە وەزارەتى دارایی و ئابورى هەرێم بە دیجیتاڵ میدیاى ئێن ئاڕ تى ڕاگەیاند، رۆژی دووشەممە، ٢٣ی ئازاری ٢٠٢٠، موچەى وەزارەتی پەروەردە دابەشدەکرێت و دابەشکردنی موچە بەردەوام دەبێت.

ئەو سەرچاوەیە روونیشیکردەوە، بەهۆی قەدەغەی هاتوچۆوە ئەو دۆخەی لە عێراق و هەرێم دروستبووە پارەی بەغدا نەگەشتووە و ئەو موچەی دابەشدەکرێت پشتی بە پارەی سامانە سروشتییەکان و ناوخۆ و هاوپەیمانان بەستووە.

ئەمەش لە کاتێکدایە، پێشتر حکومەتى هەرێم سەرەتا موچەى وەزارەتی پێشمەرگە و پەروەردەی دابەشدەکرد و لە ئێستادا گۆڕانکاری بەسەر خشتەکەدا هاتووە و بەهۆى قەدەغەى هاتوچۆشەوە دابەشکردنى موچەى مانگى ١٢ راگرتبوو.

ئەو موچەیەى دابەشدەکرێت موچەى مانگى ١٢ى ساڵى رابردووە و ١٣یەمین موچەیە بەبێ پاشەکەوت دابەشبکرێت.

ڕۆژى ٨ى ئازارى ساڵی ڕابردوو، حکومەتى هەرێم کۆتاییهاتنى سیستمى پاشەکەوتى ڕاگەیاند، یەکەمین موچەى بێ پاشەکەوتیش، موچەی مانگى ١٢ى ساڵى ٢٠١٨ بوو.