سەردێڕ:

هەفتەى داهاتوو موچەى ئەم شوێنانە دابەشدەکرێت

موچەى مانگى ١٢
فۆتۆ: 
2020-03-18

181377 جار خوێندراوەتەوە

دیجیتاڵ میدیاى ئێن ئاڕ تى، هەولێر، ئەحمەد مستەفا

سەرچاوەیەک لە وەزارەتى دارایی ڕایگەیاند، شەممە و یەکشەممەى داهاتوو، موچەی مانگی ١٢ی ساڵی رابردووی یەکەى حەفتا و هەشتاى وەزارەتى پێشمەرگە دابەشدەکرێت.

سەرچاوەیەک لە وەزارەتى دارایی و ئابورى هەرێم بە دیجیتاڵ میدیاى ئێن ئاڕ تى ڕاگەیاند، شەممە و یەکشەممەى داهاتوو، ٢١ و ٢٢ى ئازاری ٢٠٢٠، موچەى یەکەکانى حەفتا و هەشتاى وه‌زاره‌تی پێشمەرگە دابەشدەکرێت.

ئەمەش لە کاتێکدایە، پێشتر حکومەتى هەرێم سەرەتا موچەى وەزارەتی پێشمەرگە و پەروەردەی دابەشدەکرد و لە ئێستادا گۆڕانکاری بەسەر خشتەکەدا هاتووە و بەهۆى قەدەغەى هاتوچۆشەوە دابەشکردنى موچەى مانگى ١٢ راگرتبوو.

ئەو موچەیەى دابەشدەکرێت موچەى مانگى ١٢ى ساڵى رابردووە و ١٣یەمین موچەیە بەبێ پاشەکەوت دابەشبکرێت.

ڕۆژى ٨ى ئازارى ساڵی ڕابردوو، حکومەتى هەرێم کۆتاییهاتنى سیستمى پاشەکەوتى ڕاگەیاند، یەکەمین موچەى بێ پاشەکەوتیش، موچەی مانگى ١٢ى ساڵى ٢٠١٨ بوو.