سەردێڕ:

لەبارەی دۆخی ئیدلیبەوە داوای دەستوەردانی ئەنجومەنى ئاسایش دەکرێت

فۆتۆ: 
2020-02-20

2051 جار خوێندراوەتەوە

نێردەی نەتەوە یەکگرتووەکان بۆ سوریا ڕایگەیاند، دەبێت روسیا و تورکیا ڕۆڵی یەکلاکەرەوەیان هەبێت بۆ کەمکردنەوەی گرژییەکانی ئیدلیب لە سوریا و داواشى لە ئەنجومەنى ئاسایش کرد دەستوەردان بکات.

گێر پيدرسن، نێردەی نەتەوە یەکگرتووەکان بۆ سوریا، لە جنێڤەوە لە رێگەى ڤيديۆ كۆنفرانسەوە بەشداری کۆبوونەوەی ئەنجومەنى ئاسايشى نێودەوڵەتى کرد و وتی، بەهۆی بەردەوامی پێکدادانە ئاسمانییەکان، دۆخی مرۆیی لە ئیدلیب لە مەترسیدایە و منداڵە ئاوارەکانی شارەکە لە سەرمادا گیان لەدەستدەدەن.

داواشیکرد، ئەنجومەنی ئاسایشی نێودەوڵەتی دەستوەردان بکات بۆ کۆتاییهێنان بە گرژییەکان.

ئەمە لەکاتێکدایە، لە ماوەی رابردوودا، سوپای سوریا بە پشتیوانی روسیا ئۆپراسیۆنێکی سەربازیی بۆ کۆنتڕۆڵکردنەوەی ناوچەکانی ئیدلیب دەستپێکردووە و نزیکەى ٢٠٠ گوند و شارۆچکەى لە سنورى ئەو پارێزگایە کۆنترۆڵکردووە، و تورکیاش بە بیانوی پێشێلکردنى رێککەوتنى ئەستانا، داوای راگرتنی هێرشەکانی سەر ئیدلیبی لە روسیا کردبوو.

ب.ب