سەردێڕ:

مەسرور بارزانى و سەرۆک وەزیرانی ئیتاڵیا کۆبوونەوە

فۆتۆ: 
2020-02-18

1122 جار خوێندراوەتەوە

سەرۆکی حکومەتی هەرێم لەگەڵ سەرۆک وەزيرانی ئيتاڵيا کۆبووەوە و تاوتوێی پەرەپێدانی پەیوەندییەکانی نێوان ئیتاڵیا و هەرێمی کوردستان و پرسی تيرۆريان کرد.

مەسرور بارزانی، سەرۆکی حکومەتی هەرێمی کوردستان لەگەڵ جۆزێپ کۆنتێ، سەرۆک وەزیرانی ئیتاڵیا کۆبووەوە و گۆڕانکارییەکانی عێراق و ناوچەکەيان تاوتوێکرد.

شاندی هەرێمی کوردستان پێکهاتبوون لە دانا عەبدولکەریم وەزیری ئاوەدانکردنەوە و نیشتەجێکردن، ئانۆ جەوهەر وەزیری گواستنەوە و گەیاندن، پشتیوان سادق وەزیری ئەوقاف و کاروباری ئایینی، خالید شوانی وەزیری هەرێم.

بڕیاريشە سبەی شاندی هەرێم بە سەرۆکايەتی مەسرور بارزانی لەگەڵ پاپا فرانسیس پاپای ڤاتیکان کۆببێتەوە و باسی پێکەوەژیانی ئایینی لە هەرێمی کوردستان و هاندانی گفتوگۆی نێوان ئایینەکان بکەن.

ب.ب