سەردێڕ:

هەولێر.. تۆمەتبارێک دوای ٦ ساڵ لە ئەنجامدانی تاوانێک دەستگیركرا

فۆتۆ: 
2020-02-17

6752 جار خوێندراوەتەوە

پۆلیسى هەولێر رایگەیاند، دوای ئەوەی تۆمەتبارێك لە ساڵی ٢٠١٤ دا لە كۆمەڵگای بنەسڵاوە كەسێك دەكوژێت و دواتر بۆ شوێنێكی نادیار هەڵدێت، ئەمڕۆ لەلایەن پۆلیسی هەولێرەوە دەستگیركرا.

دلێر نەجار بەڕێوەبەری پۆلیسی پارێزگای هەولێر ڕایگەیاند،" ئەمڕۆ دووشەممە ١٧ ى شوباتى ٢٠٢٠ توانرا تاوانبار (خ.چ.ق ) تەمەن ٣٩ ساڵ دەستگیربکرێت کە ساڵى ٢٠١٤ لە کۆمەڵگاى بنەسڵاوە کەسێکى کوشتووە و دواتر بۆ شوێنێکى نادیار هەڵهاتووە".

ناوبراو ڕاشیگەیاند،" ئەمڕۆ تۆمەتبارەكە لە کۆمەڵگای مەلائۆمەر دەستگیر کرا، کە دەمانچەیەک و دوو شانەى دەمانچە و چەند فیشەکێکیشی پێبوو".

وتیشى،" تۆمەتباری ناوبراو پێشتر بەپێی ماددەی (٤۰٦) لە یاسای سزادان لەلایەن دادگای لێكۆڵینەوەی هەولێرەوە بڕیاری دەستگیركردنی بۆ دەركراوە".

ئەوەش لەکاتێکدایە، لە ٣١ ى ئازارى ساڵى ٢٠١٤ هاووڵاتى سامان عەلی عومەر بە چەکى جۆرى کڵاشینکۆف کوژرا و بکوژەکەش بۆ شوێنێکى نادیار هەلهات و خۆى حەشاردا.