سەردێڕ:

داعش دوو کەسی لە ڕفێندراوەکانی مانگی ڕابردوو ئازادکرد

فۆتۆ: 
2020-02-17

3293 جار خوێندراوەتەوە

پەیامنێرى دیجیتاڵ میدیاى ئێن ئاڕ تى ڕایگەیاند، داعش دوو کەسی لە بەرامبەر بڕێک پارەدا ئازاکرد کە لە چەند رۆژی رابردوو لە نزیک قەرەتەپە رفاندبوونى.

گەرمیان حەمەى پور پەیامنێرى دیجیتاڵ میدیاى ئێن ئاڕتى ڕایگەیاند، قەحتان محمد کە یەکێک بووە لەو هەشت کەسەى کە لە کۆتایى مانگى ڕابردوو لە ناحیەى قەرەتەپە ڕفێندران لەگەڵ کەسێکی دیکە ئەمڕۆ ئازاد کراون لە بەرامبەر ٧٠ هەزار دۆلاردا.

هاوکات، ڕفێندراوەکان دانیشتوى ناوچەکانى قه‌ره‌ته‌په‌ و خانه‌قين و شاره‌زوورن و سه‌رجه‌ميان هاوڵاتى مه‌ده‌نين.

ئەوەش لەکاتێکدایە، ئێواره‌ى ٣٠ ى کانونى دووەمى ٢٠٢٠ له‌ نزيك ناحيه‌ى قه‌ره‌ته‌په‌ ٨ هاوڵاتى مه‌ده‌نى له‌لايه‌ن گروپێكى چه‌كداره‌وه‌ ڕفێنران، هه‌مان شه‌و يه‌كێكيان كوژراو ته‌رمه‌كه‌ى له‌ نزيك قه‌ره‌ته‌په‌ فڕێدرا.