سەردێڕ:

سبەی موچەی ئەم وەزارەتە دابەشدەکرێت

فۆتۆ: 
2020-02-10

26811 جار خوێندراوەتەوە

دیجیتاڵ میدیاى ئێن ئاڕ تى، هەولێر، هێرش قادر

سەرچاوەیەک لە وەزارەتى دارایی ڕایگەیاند، سبەی سێشەممە، موچەی مانگی ١١ی ساڵی رابردووی وەزارەتی پەروەردە دابەشدەکرێت و تاوەکو رۆژی پێنجشەمەش موچەی وەزارەتی دارایی و تەندروستیی دابەشدەکرێت.

سەرچاوەیەک لە وەزارەتى دارایی و ئابورى هەرێم بە دیجیتاڵ میدیاى ئێن ئاڕ تى ڕاگەیاند، سبەی سێشەممە، ١١ى شوباتی ٢٠٢٠، موچەی وەزارەتی پەروەردە دابەشدەکرێت.

روونیشیکردەوە، رۆژی چوارشەممە، ١٢ی ئەم مانگە، موچەی وەزارەتی دارایی و ئابوری و رۆژی پێنجشەممە، ١٣ی ئەم مانگەش، موچەی وەزارەتی تەندروستیی دابەشدەکرێت.

ئەو موچەیەى دابەشدەکرێت موچەى مانگى ١١ى ساڵى رابردووە و ١٢یەمین موچەیە بەبێ پاشەکەوت دابەشبکرێت.

ڕۆژى ٨ى ئازارى ساڵی ڕابردوو، حکومەتى هەرێم کۆتاییهاتنى سیستمى پاشەکەوتى ڕاگەیاند، یەکەمین موچەى بێ پاشەکەوتیش، موچەی مانگى ١٢ى ساڵى ٢٠١٨ بوو.

‌بەپەلە