سەردێڕ:

وێنە.. گەنجێکی ١٩ ساڵ لە رووباری خازر خنکا

فۆتۆ: 
2020-01-27

5933 جار خوێندراوەتەوە

دیجیتاڵ میدیاى ئێن ئاڕتى، بەردەڕەش، تائیف گۆران

بەرگرى شارستانى دهۆک ڕایگەیاند، گەنجێکی ١٩ ساڵ لە رووباری خازر لە گوندی گرگەجووی سنوری ناحیەیی رۆڤیا خنکا.

بێوار عەبدولعەزیز، بەرپرسی راگەیاندنی بەرگری شارستانی دهۆک بە دیجیتاڵ میدیایی ئێن ئاڕ تی راگەیاند، "نزیکی کاتژمێر ٥ى سەر لە ئێوارەی ئەمڕۆ دووشەممە، گەنجێکی دانیشتووى قەزای بەردەڕەش کە خەڵکی کەلەکچییە و تەمەنی ١٩ ساڵە، لە رووباری خازر لە گوندی گرگەجووی سنوری ناحیەیی رۆڤیا خنکا".

باسی لەوەشکرد، "لاشەکەی لەلایەن هاوڵاتیانەوە لە ئاوەکەدا دەرهێنراوە"، ڕاشیگەیاند، "لە ئێستادا تەرمەکەى بە مەبەستی پشکنین رەوانەی نەخۆشخانەی پزیشکی دادوەری ئاکرێ کراوە".

ئەوەش لە کاتێکدایە، ئەمە یەکەم حاڵەتی رووداوی خنکانە لەمساڵدا لە سنوری پارێزگایی دهۆک تۆمارکرابێت.