سەردێڕ:

​فەرەنسا.. خۆپیشاندان دژی چاکسازی خانەنشینی ئەنجامدرا

فۆتۆ: 
2020-01-24

1612 جار خوێندراوەتەوە

لە فەرەنسا به‌ هه‌ڵگرتنی مه‌شخه‌ڵ، بە هەزاران کەس خۆپیشاندانیان دژ به‌ چاكسازی خانەنشینی حكومه‌ته‌كه‌ی ئیمانوێل ماكرۆن ئه‌نجامدا.

له‌ پاریسی پایته‌ختی فه‌ڕه‌نسا، له‌سه‌ر بانگهێشتی زۆرێك له‌ سه‌ندیكاكان، خۆپیشانده‌ران جارێكی دیكه به‌ مه‌به‌ستی نیشاندانی كاردانه‌وه‌كانیان دژ به‌ چاكسازی خانه‌نشینی حکومەتی ئیمانوێل ماکرۆنی سەرۆکی فەرەنسا، بە هەڵگرتنی مەشخەڵ له‌ مه‌یدانی نه‌یشنه‌وه‌ تا مه‌یدانی ‌ریپابلیك بە رێپێوان ڕۆیشتن.

بەپێی سەرچاوەکان، خۆپیشانده‌ران داوای كشاندنەوەی ئەو چاکسازییەیان کردووە و دروشمیان دژ به‌ ماكرۆن و چاكسازیه‌كه‌ به‌رزكرده‌وه‌، لەگەڵ ئەوەشدا، لە هەریەک لە شارەکانی ، روان، لیۆ نانت، بوردو، سترازبێرگ و رین چالاكی و خۆپیشاندانی مه‌شغه‌ڵ سازكرا.

ئەوەش لە کاتێکدایە، چاكسازی له‌ بواری خانه‌نشینیدا له‌ فه‌ڕه‌نسا، ماوه‌یه‌كه‌ بووه‌ته‌ هۆی دروستبوونی كێشه‌ی كۆمه‌ڵایه‌تی له‌و وڵاته‌دا، به‌و هۆیه‌وه‌ له‌ ٥ی كانوونی یه‌كه‌می ٢٠١٩ه‌وه‌ تا ئێستا مانگرتن دژ به‌و چاكسازیه‌ به‌رده‌وامه‌، كه‌ درێژترین مانگرتنه‌ له‌ ماوه‌ی ٣٤ ساڵی رابردوودا له‌و وڵاته‌دا‌ ڕوویدابێت.

هاوکات، له‌ پاڵ مانگرتنه‌كاندا خۆپیشاندان سازده‌كرێت، كه‌ هەندێک جاریش توندوتیژی له‌ده‌كه‌وێته‌وه‌، بەڵام حكومه‌ته‌كه‌ی ماكرۆن پێداگره‌ له‌سه‌ر جێبه‌جێكردنی چاكسازیه‌كه‌ و لە بەرامبەریشدا سه‌ندیكاكان سوورن لەسەر کشاندنەوەی ئەو چاکسازییە.

هـ.ئـ