سەردێڕ:

مەزڵوم کۆبانى: کورد ئامادەی گفتوگۆیە لەگەڵ تورکیادا

فۆتۆ: 
2020-01-23

9570 جار خوێندراوەتەوە

مەزڵوم کۆبانێ فەرماندەی گشتی هێزەکانى سوریاى دیموکرات ڕایگەیاند، کورد ئامادەی گفتوگۆیە ئەگەر ئەنقەرە راستگۆبێت لەگەڵیاندا.

مەزڵوم کۆبانی بە ماڵپەڕی ئەلمۆنیتەری راگەیاندووە، وەکو هێزەکانى سوریاى دیموکرات ئامادەن کێشەکانیان لەگەڵ تورکیا و ئەنەکەسە چارەسەر بکەن.

ئاماژەى بەوەشکردووە، هەسەدە و یەپەگە لە ماوەی رابردوودا گفتوگۆی راستەوخۆیان لەگەڵ تورکیادا هەبووە و ئامادەن دووبارە گفتوگۆبکەنەوە لەپێناوى ئاشتى ناوچەکە.

وتیشی، کێشەى کورد لە سەرجەم پارچەکانى کوردستان یەک کێشەیە و ئەگەر تورکیا لەگەڵ کوردانى ڕۆژئاوا خراپ بێت، کاریگەرى لەسەر کوردانى سەرجەم پارچەکانى دیکەى کوردستان دەبێت.

فەرماندەی گشتی هێزەکانى سوریاى دیموکرات ئاماژەى بۆ ئەوەشکرد، مەسعود بارزانی بۆ نزیككردنه‌وه‌ی لایه‌نه‌سیاسییه‌كانی رۆژئاوای كوردستان رۆڵێكی باشى گێڕاوه ‌و ده‌توانێت زیاتریشی بكات.