سەردێڕ:

ڤیدیۆ.. هێزە ئەمنییەکان بە توندی روبەڕوى خۆپیشاندەرانی بەغدا بوونەتەوە

فۆتۆ: 
2020-01-23

3784 جار خوێندراوەتەوە

بەپێى ئەو گرتە ڤیدیۆیەى بڵاوبووەتەوە، هێزەکانى سوات (SWAT) لە شەقامى محەمەد قاسم لە بەغدا بەشێوەیەکى توند رووبەڕووى خۆپیشاندەران بوونەتەوە و لێیاندەدن.

لە رۆژانى رابردوودا، خۆپیشاندەران لە هەوڵى داخستنى ڕێگا سەرەکییەکان بوون، بەڵام هێزە ئەمنییەکان، دواى فەرمانى عەبدولکەریم خەڵەف وتەبێژى فەرماندەى گشتى هێزە چەکدارەکانى عێراق، کە هێزە ئەمنییەكانى سەرپشك كرد لەدەستگیركردنی ئەوانەى فەرمانگە حکومییەکان و رێگا سەرەکییەکان دادەخەن، بە زەبرى هێز بڵاوەیان بە خۆپیشاندەران کرد و رێگاکانیان کردەوە، بەتایبەتى رێگاى سەرەکى محەمەد قاسم کە لە نێوان بەغدا و شارەکانى ناوەراست و باشورى عێراقدایە.

لە سەرەتای مانگى تشرینی یەکەمی ساڵی ڕابردووەوە، خۆپیشاندان لە بەغدا و چەند پارێزگایەکی دیکەی عێراق سەری هەڵداوە و بەپێی ئامارێکی کۆمسیۆنی مافەکانی مرۆڤی عێراق، تا ئێستا ٣١ چالاکوان و زیاتر لە ٥٠٠ خۆپیشاندەر کوژراون، هاوکات زیاتر لە ١٣ هەزار کەسیش برینداربوون.

ب.ب