سەردێڕ:

ئاسایشی دهۆک: دەستبەسەر زیاتر لە ٥٨ کیلۆ ماددەی هۆشبەردا گیرا

لە چەند ڕۆژی ڕابردوودا
فۆتۆ: 
2020-01-22

1684 جار خوێندراوەتەوە

بەڕێوەبەرایەتی ئاسایشی دهۆک ڕایگەیاند، لە دوو کاتی جیاوازدا دەستبەسەر ٥٧.٥ کیلۆگرام ماددەی هۆشبەر لە جۆری هیرۆیندا گیراوە.

بەڕێوەبەرایەتی ئاسایشی دهۆک ڕایگەیاند، "لە چەند ڕۆژی ڕابردوودا لە دوو چالاکی جیاوازدا لەلایەن بەرێوەبەرایەتی ئاسایشی ئیبراهیم خەلیلەوە دەستبەسەر ٥٧.٥ کیلۆگرام مادەەی هۆشبەر لە جۆری هیرۆیندا گیراوە".

ڕاشیگەیاندووە، "چالاکی یەکەم لە ١٥ی کانوونی دووەمدا و لە ناو کۆمەڵگەی ئیبراهیم خەلیل، دەستبەسەر ٢٧.٥ کیلۆگرام ماددەی هۆشبەردا گیراوە، کە لە جۆری هیرۆین بووە".

دەربارەی چالاکی دووەمیش باسی لەوەکردووە، "لە ٢١ و ٢٢ی کانوونی دووەم لە  کۆگایەکدا لەسەر جاددەی سەرەکی ئیبراهیم خەلیل، لە نێوان زاخۆ و کۆمەڵگەی ئیبراهیم خەلیلدا، دەستبەسەر ٣٠ کیلۆگرام ماددەی هۆشبەر لە جۆری هیرۆیندا گیراوە".

هاوکات، ئاماژەی بەوەشکردووە، "لێکۆڵینەوە لە ڕووداوەکە بەردەوامە و تۆمەتبارەکانیش ڕەوانەی دادگا کراون".

ئەوەش لە کاتێکدایە، لە چەند ڕۆژی ڕابردوودا، بەڕێوەبەرایەتی ئاسایشی دهۆک دەستبەسەرداگرتنی ٢٧.٥ کیلۆگرام ماددەی هۆشبەرەکەی ڕاگەیاندبوو.