سەردێڕ:

هەولێر.. بەشێک لە خاوەن پێداویستیە تایبەتەکان گردبونەوە

فۆتۆ: 
2020-01-22

1291 جار خوێندراوەتەوە

کۆمەڵەى ژینى کەمئەندامان رایگەیاند، بەشێکى زۆرى خاوەن پێداویستیە تایبەتەکان لە دۆخ و گوزەرانێکى خراپدان دەبوایە لە یاساى چاکسازیدا ڕەچاوى ژیانیان بکرایە.

مەسعود ئەنوەر بەڕێوبەرى کۆمەڵەى ژینى تایبەت بە خاوەن پێداویستیە تایبەتەکان لە میانى کۆنفرانسێکى ڕۆژنامەنوسیدا ڕایگەیاند، گوزەرانى بەشێکى زۆر لە خاوەن پێداویستیە تایبەتەکانى هەرێمى کوردستان سەختە و لە یاساى چاکسازیشدا هیچ ئاماژەیەیەک بەباشترکردنى گوزەرانیان نەکراوە.

ئەوەشخراوەتەڕوو، "پاش چەندینجار چاوەڕوانى و دانیشتن لەگەڵ لایەنەکان و ئەندامانى پەرلەمانى کوردستان کە پەیمانیانداوە مافەکانى خاوەن پێداویستیە تایبەتەکان بپارێزن، بەڵام بەداخەوە یاساى چاکسازییان تەنها لە بەرژەوەندى خۆیان و پلەباڵاکان تێپەڕاند".

باسلەوەشدەکەن،" داواکارن نێچیرڤان بارزانى سەرۆکى هەرێمى کوردستان یاساى چاکسازى واژۆنەکات، چونکە ئاماژە بە مافەکانى ئەوان نەدراوە".

ئەوەش دوای ئەوەدێت، لەچەند ڕۆژى ڕابردوودا به‌ده‌نگی ٨٩ پەرلەمانتار یاسای چاكسازی له‌خانه‌نشینی مووچه ‌و ده‌رماڵه‌ و به‌خشین و ئیمتیازاته‌كانی تر پەسەندکرا و یاساکەش لەلایەن پەرلەمانەوە رەوانەى سەرۆکایەتى هەرێم کرا بەمەبەستى پەسەندکردنى لەلایەن سەرۆکى هەرێمەوە.