سەردێڕ:

ئاسایشی سلێمانی: شەش کەس بە تۆمەتی جیا دەستگیرکران

فۆتۆ: 
2020-01-21

4357 جار خوێندراوەتەوە

ئاسایشی ڕۆژئاوای سلێمانی ڕایگەیاند، لە ماوەی یەک مانگدا پێنج کەس بەتۆمەتی بەکار هێنانی مادەی هۆشبەر و یەک کەسی دیکە بەتۆمەتی تەقەکردنی عەشوائی تێکدانی ئارامی لە چەمچەماڵ دەستگیرکراون.

ئاسایشی ڕۆژ ئاوای سلێمانی ڕایگەیاند، "لە ماوەی یەک مانگدا پێنج کەس بەتۆمەتی بەکار هێنانی مادەی هۆشبەر لەقەزای چەمچەماڵ و دەوروبەری دەستگیرکراون".

لە ڕاگەیاندراوەکەدا ئەوەش هاتووە، "لە ئێستادا ئەو تۆمەتبارانە بەپێی یاسای ١٤ی ماددە هۆشبەرەکان بەند کراون".

ڕوونیشکراوەتەوە، "لە شەوی ۲۰ی ئەم مانگەدا لە قەزای چەمچەماڵ کەسێک بەتۆمەتی تەقەکردنی عەشوائی تێکدانی ئارامی لەقەزای چەمچەماڵ دەستگیرکراوە".

هاوکات ڕاشیگەیاندووە، "بەپێیی ئامارەکان لە ساڵی ۲۰۱۹دا لە سنوری بەڕێوەبەرایەتیمان ٦٦ کەس بەتۆمەتی بەکارهێنان و بازرگانیکردن بە مادەی هۆشبەرەوە دەستگیرکراون"، باس لەوەشکراوە، "ئەم ڕێژەیە بەراورد بە ناوچەکانی دیکەی کوردستان کەمترە".

ئەوەش لە کاتێکدایە، هەر ئەمشەو پۆلیسی هەولێر لە ڕاگەیاندراوێکدا بڵآویکردەوە، باندێکی سێ کەسیان بە تۆمەتی بازرگانیکردن بە ماددەی هۆشبەرەوە دەستگیرکردووە و دەستیان بەسەر ١٣٠ کیلۆگرام ماددەی هۆشبەر لە جۆری هیرۆیندا گرتووە.

Image may contain: one or more people and text

Image may contain: one or more people and people standingهـ.ئـ