سەردێڕ:

پینتاگۆن: بنکە سەربازییەکانمان لە هەولێر و عەین ئەسەد کراونەتە ئامانج

دوای کوشتنی قاسم سولەیمانی
فۆتۆ: 
2020-01-08

45062 جار خوێندراوەتەوە

پینتاگۆن رایگەیاند، هێرشە موشەکییەکان بۆ سەر بنکە سەربازییەکانی ئەمریکا بووە لە عەین ئەلئەسەد و هەولێر.

لە راگەیەندراوێکدا وەزارەتی بەرگری ئەمریکا بڵاویکردووەتەوە، "هەموو ڕێکارێک دەگرینەبەر بۆ پاراستنی سەرباز و هاوپەیمانەکانمان لە ناوچەکەدا." 

ئاماژەی بەوەشکردووە، "ئاشکرایە موشەکەکان لە ئێرانەوە ئاراستەی بنکە سەربازییەکانمان کراون لە ئەنبار و هەولێر."

روونیشیکردووەتەوە، "کار لەسەر هەڵسەنگاندنی هێرشە موشەکییەکان دەکەین بۆ سەر بنکە سەربازییەکانمان."

ئەوەش لەكاتێكدایە، دواى کوژرانى قاسم سولەیمانى بەرپرسانى ئێران هەڕەشەى توند لە ئەمریکا دەکەن و ئەمریکاش جەخت لە وەڵامدانەوەى ئێران دەکاتەوە لە بەرامبەر هەر هێرشێک.