سەردێڕ:

عێراق.. هاوردەی بەنزینی موحەسەن قەدەغەدەکرێت

چەند پاڵێوگەیەک دروستدەکرێت
فۆتۆ: 
2019-12-15

2590 جار خوێندراوەتەوە

وتەبێژی وەزارەتی نەوتی عێراق ڕایگەیاند، وەک پشتگیرییەک بۆ بەرهەمی خۆماڵی لە داهاتوودا هاوردەی بەنزینی موحسەن بۆ ناوخۆی وڵات قەدەغەدەکەن.

عاسم جیهاد وتەبێژی وەزارەتی نەوتی عێراق ڕایگەیاندووە، "بۆچوونێک لەوەزارەتی نەوت دروستبووە كە پشتیوانی بەرهەمی خۆماڵیی بكرێت، بۆیە دەیانەوێت هاوردەی بەنزینی محەسەن رابگرن".

عاسم جیهاد وتیشی "یەكێك لەو بەرهەمە خۆماڵییانە، دروستكردنی رۆنی ئۆتۆمبێلە كە ئێستا گەیشتووەتە ئاستێكی باش بە پێی ستانداردە نێودەوڵەتییەكان و بەمنزیكانە یەكەم رۆنی عێراقی دێتە بازاڕەوە."

ناوبراو ئەوەشی ئاشكراكرد، "هەموو پیشەسازییە نیشتمانییەكان پشت بە نەوت و بەرهەمەكانی دەبەستن لەناویاندا وێستگەكانی بەرهەمهێنانی كارەبا".

بەوتەی جیهاد، وەزارەتەكەی لەهەوڵی دروستكردنی پاڵاوگەی پێشكەوتوودایە و بۆ ئەو مەبەستەش پاڵاوگەی كەربەلا ساڵی ٢٠٢٢ كۆتایی بەكارەكانی دێت و بەشێوەیەكی رۆژانە بەنزینی موحەسەن بەرهەمدێنێت بەستانداردی جیهانی.

ئەمەش لە کاتێکدایە لە ئێستادا عێراق بەنزینی موحەسەن لە وڵاتانی دراوسێوە هاوردە دەکات و بە پێی پلانەکەى عێراقیش بە تەواوبوونى چەند پاڵاوگەیەک کە ئێستا لە دروستکردندایە هاوردەکردنى ئەو جۆرە بەنزینە ڕادەگیرێت.