سەردێڕ:

ڤیدیۆ.. كونسوڵی كۆریای باشور باسی جلی كوردی و خۆشترین شوێنی كوردستان دەكات

باسى دراما كۆرييەكانيش دەكات
فۆتۆ: 
2019-12-09

9119 جار خوێندراوەتەوە

کونسوڵى گشتى کۆریاى باشور باسى جلى کوردى و شوێنە خۆشەکانى کوردستان دەکات و دەڵێت، "چیای پیرەمەگرون لاس ڤێگاسى کوردستانە".

لەبەرنامەى ١٨٠ى ئێن ئاڕ تى "جۆى کۆنگ جین" کونسوڵى گشتى کۆریاى باشور باس لە شێوازى ژیان و جلوبەرگى کوردى و نزیکى هەردوو کلتورى کوردستان و کۆریای باشور دەکات.

 کۆنگ جین کە ماوەى ١٠ مانگە وەک کونسوڵى کۆریا لە کوردستانە دەڵێت، "جلى کوردى پیاوان زۆر لە جلى کۆریا دەچێت و زۆرجاریش لەبەرمکردووە ".

 هەروەها لەبارەى سروشتى کوردستانیشەوە دەڵێت، سەردانى هەندێک شوێنى لەشارەکانى هەرێم کردووە و بەوتەى ئەو چیاى پیرەمەگرون خۆشترین شوێنى کوردستانە و "هاوشیوەى لاس ڤێگاسى ئەمریکایە".

سەبارەت بەو دراما كۆرییانەش كە لە كوردستان پەخشدەكرێن، كونسوڵی كۆریا ووتی، "زانیاریم لەسەرتێچوی كڕینی ئەو درامایەنە نیە، بەڵام بەهۆی لێكچونی كلتورەكانەوە ئەو درامایانە بە زوویی لە كوردستاندا بڵاوبووەتەوە، حكومەتی كۆریاش پڕۆگرامێكی تایبەتی بۆ بەرهەمێنان و فرۆشتنی ئەو درامایانە بە وڵاتانی ڕۆژهەڵات هەیە"، دەشڵێت دراماكانیان پەند و ئامۆژگاری و ڕیزگرتن و هاوڕییەتی تێدایە.

لەدواى ساڵى ٢٠٠٣وە زۆربەى وڵاتانى جیهان کونسوڵخانەیان لە هەولێر کردەوە، کۆریاى باشوریش لە ئەیلولى ٢٠١٦وە کونسوڵخانەى خۆى لە هەولێر کردووەتەوە، لەکاتی کردنەوەى ئەو کۆنسوڵخانەیەشدا بەرپرسانى کۆریاى باشور ڕایانگەیاندبوو،  کردنەوەى کونسوڵخانەى کۆریاى باشور لە هەولێر بۆ پتەوکردنى پەیوەندییەکانى ئەو وڵاتەیە لەگەڵ هەرێمى کوردستان.

إ.م