سەردێڕ:

سلێمانى.. کەسێک بە تۆمەتى هەڕەشەکردن لە ئافرەتان دەستگیرکرا

فۆتۆ: 
2019-12-08

13799 جار خوێندراوەتەوە

بەڕێوەبەرایەتى بەرەنگاربوونەوەى توندوتیژى دژى ئافرەتان و خێزان لە سلێمانى رایگەیاند، تۆمەتبارێکیان دەستگیرکردووە کە لەڕێگەى تۆڕە کۆمەڵایەتییەکانەوە هەڕەشەى لە ئافرەتان کردووە.

لەراگەیەنراوێکى بەڕێوەبەرایەتییەکەدا هاتووە، "تاوانبارێكی تۆڕەكۆمەڵایەتیەكانیان دەستگیرکردووە، كە هەستابوو بە ئەنجامدانی چەندین تاوان ‌و هەڕەشەكردن لە ئافرەتان‌و توندوتیژی سێكسی بەرامبەریان لەڕێگەی مۆبایل‌ و ئامێرەكانی پەیوەندییكردن."

ئاماژە بەوەشکراوە، دەستیشیان بەسەر هەموو ئەو مۆبایل و كەولوپەلانەدا گرتووە كە تاوانەكانی پێکردبوو، هاوکات دانیشی بە تاوانەکانیدا ناوە.