سەردێڕ:

کارەبای سلێمانی دانیشتوانی گەڕەکی راپەڕین ئاگاداردەکاتەوە

فۆتۆ: 
2019-12-06

31519 جار خوێندراوەتەوە

بەڕێوبەرایەتى کارەباى سلێمانى ڕایگەیاند، بەهۆى بەستنى پێوەرى زیرەک، سبەینێ گەڕەکى ڕاپەرین ئەوانەی دەکەونەسەر فیدەری 105 بێ کارەبا دەبن. 

کارەباى سلێمانى بڵاویکردەوە، بەهۆى بەستنى پێوەرى زیرەک لە گەڕەکى ڕاپەرین، ئه‌و ماڵانه‌ی ده‌كه‌ونه‌ سه‌ر هەردوو (فیده‌ری 105و 105 ی مساعد) سبەی کارەبایان نابێت.
ئاماژەبەوەشکراوە، "له‌ كاتژمێر ( 8 ی به‌یانی بۆ 4 ئێوارە) كاره‌بای نیشتمانی و موه‌لیده‌یان نابێت، واتە موەلیدەی ئەهلی سەر ئەو فیدەرە نابێت کار بکەن‌، ئه‌وه‌ش له‌ پێناو سه‌لامه‌تی گیانی تیمه‌كانی كاره‌با و هاوڵاتیان خۆیان."

روونیشیکردووەتەوە، لە ئەگەری بارانبارین، کار لە فیدەرەکان ناکرێت.

ئەوەش لەکاتێکدایە، ماوەیەکە لە گەڕەکەکانى پارێزگاى سلێمانى وشارۆچکەکانى دەوروبەرى، بەستنى پیوەرى زیرەکى کارەبا دەستیپێکردوە.