سەردێڕ:

ئاسایش: بکوژانی گەنجەکەی ناحیەی تەکیە دەستگیرکران

فۆتۆ: 
2019-12-05

17769 جار خوێندراوەتەوە

بەڕێوەبەرایەتى ئاسایشى رۆژئاواى سلێمانى ئاشکرایکرد، "بکوژانى پشتیوان فەتحوڵا کە لە دووکانەکەی خۆیدا لە ناحیەى تەکیەى چەمچەماڵ کوژرا، دەستگیرکران."

بەرێوەبەرایەتییەکە لە راگەیەنراوێکدا ئاماژەى بەوەکردووە، بەهەماهەنگی لەگەڵ بەڕێوەبەرایەتی ئاسایشی ڕاپەرین لەبازگەی سەرکەپکان چوار کەس کە سێ چەک "کڵاشینکۆفێک و دوودەمانچە" یان پێبووە و بەو چەکانە تاوانەکەیان کردووە.

باسی لەوەشکردووە، بەپێی مادەی ٤۰٦ لەیاسای سردانی عێراقی  بەبڕیاری دادوەر بەندن و پاش تەواو بونی لێکۆڵینەوەی ڕەوانەی پۆلیسی چەمچەماڵ دەکرێن.

ئەوەش لەکاتێکدایە سەرکەوت ئەحمەد بەڕێوەبەرى راگەیاندن و پەیوەندییەکانى پۆلیسى پارێزگاى سلێمانى بە دیجیتاڵ میدیاى ئێن ئاڕ تى راگەیاند، درەنگانێکى شەوى رابردوو لە ناحیەى تەکیەى کاکەمەند دوو گەنج بووەتە دەمەقاڵەیان و لە ئاکامدا یەکێکیان چەند فیشەکێکى بەوەى دیکەوە ناوە و گیانى لەدەستداوە.