سەردێڕ:

باس لە جێگرەوەیەک بۆ عەبدولمەهدى دەکرێت

فۆتۆ: 
2019-11-22

15823 جار خوێندراوەتەوە

لایەنە سیاسیەکانى عێراق باسیان لە ٣ کەسایەتى کردووە بۆ جێگرەوەى عادل عەبدولمەهدى.

سەرچاوەیەک لە حکومەتى عێراق بە ئاژانسى هەواڵى ''سپوتنیک''ى راگەیاندووە، لایەنە سیاسییەکان لە پێناو کۆتایى پێهێنانى ئەم بارودۆخەى عێراق گفتۆگۆیان لەسەر جێگرەوەیەک بۆ عادل عەبدولمەهدى کردووەو، بۆ ئەو مەبەستەش باسیان لە ٣ کەسایەتی کردووە بۆ پۆستى سەرۆکوەزیران.

 سەرچاوەکە ئاماژەى بەوشکردووە، یەکێک لەو کەسانە لەسەر ئاستى عێراق ناسراوە بەڵام لایەنەکان لەبەر بونى لایەنگرى حزبى ئەو کەسەیان قبوڵنەکردووە بۆ ئەو پۆستە و ڕەتکراوەتەوە.

هەوروەها ئەوەشخراوەتەڕوو، لەئێستادا سەرجەم لایەن عێراقییەکان و تەنانەت لایەنى نزیک لە ئێرانیش گەیشتونەتە ئەو بڕوایەى کە گۆڕینى عادل عەبدولمەهدى بووەتە کارێکى پێویست و، دەبێت بەو هەنگاوە کۆتایى بە قەیرانى سیاسى و خۆپیشاندانەکانى وڵات بهێنرێت.

سەرچاوەکە ناوى ئەو ٣ کەسەى ئاشکرا نەکرد کە بۆ جێگرەوەى عەبدولمەهدى گفتوگۆیان لەبارەوە کراوە، تەنها ئاماژە بەوە کراوە کە لایەنەکان دەیانەوێت کەسێکى سەربەخۆو دوور لە پشکپشکێنەى حزبى بۆ ئەو پۆستە دیاریبکەن، ئەمەش وەک بەدەمەوەچوونى داواکەى مەرجەعى باڵاى شیعەکان کە لە نوێژى هەینى ڕابردوودا داواى لە حکومەتى عێراق کرد، دورکەونەوە لە پشکپشکێنە و لەسەر بنەماى دلسۆزى و پیشەیى پۆستەکان پڕبکرێنەوە.

بەهۆى هەژمونى وڵاتانى دراوسێ و جیاوازى پێکهاتە و نەتەوەیى ناوخۆ و ململانێى حزب و لانە سیاسییەکان لە عێراق، پڕکردنەوەى پۆستى سەرۆکوەزیران زۆرترین مشتومڕ و کێشمەکێشى سیاسى لەسەرەو بەئاسانى سەرجەم لایەنەکان لەسەر کەسێک بۆ ئەو پۆستە ڕیکناکەون.

 لەم کابینەیەى ئێستاى پەڕلەمانیش دوای نزیكەی ٤ مانگ لە هەڵبژاردن لایەنە سیاسیەكان لەسەر عادل عەبدولمەهدی بۆ پۆستی سەرۆكوەزیران یەكلاییبونەوە.