سەردێڕ:

بەرپرسێکى باڵاى هەواڵگری عێراق کوژرا

فۆتۆ: 
2019-11-19

7916 جار خوێندراوەتەوە

بەڕێوەبەری هەواڵگری فەوجەکانی پارێزگاى سەڵاحەدین لە ڕووبەڕووبوونەوەی لەگەڵ چەکدارانی داعشدا کوژرا.

ئەمشەو سێشەممە، ١٩ى تشرینى دووەمى ٢٠١٩ لە ڕووبەڕووبوونەوەیەکی ئەمنیدا لەگەڵ چەکدارانی داعش بەڕێوبەری هەواڵگری فەوجەکانی سەڵاحەدین سەر بە وەزارەتی ناوخۆی عێراق لە سنورى پارێزگاکە کوژرا.

بە پێی هەواڵێکی ماپەڕی سۆمەرییە نیوز، سەرچاوەیەک ڕاگەیاندووە، لە ئۆپەراسیۆنێکدا لە دژی چەکدارانی داعش بەڕێوبەری هەواڵگری فەوجەکانی سەڵاحەدین لە خانویەکی بۆمبڕێژکراودا، پاش تەقینەوەی خانووەکە گیانی لەدەستدا.

سەرچاوەکە ئەوەشی وتووە پاش ڕووداوەکە لاشەکەی گواستراوەتەوە بۆ پزیشکی دادوەری.

 

H.A