سەردێڕ:

ئەمڕۆ پەرلەمانی عێراق لەسەر یاسای خانەنشینی کۆدەبێتەوە

فۆتۆ: 
2019-11-19

1146 جار خوێندراوەتەوە

ئەمڕۆ سێشەممە پەرلەمانی عێراق کۆدەبێتەوە و دەنگ لەسەر ژمارەیەک پرۆژە یاسا دەدات، دیارترینیان پرۆژە یاسای خانەنشینی و دەستەی نەزاهەی عێراقە.

پەيامنێرى دیجیتاڵ میدیای ئێن ئاڕ تی ڕایگەیاند، ئەمڕۆسێشەممە ١٩ى تشرینى دووەمى ٢٠١٩ پەرلەمانى عێراق کۆدەبێتەوە و تێیدا دەنگ لەسەر پرۆژە یاساکانی هەڵوەشاندنەوەی ئەنجومەنی پارێزگاکان، ئیمتیازاتی بەرپرسان و بیمەی کۆمەڵایەتی دەدات.

بەپێی بەرنامەی کاری کۆبوونەوەکە، یاسای دەستەى نەزاهەی عێراقی تاوتوێ دەکرێت، دواتر دەنگی لەسەر دەدرێت و خوێندنەوەى یەکەم بۆ پڕۆژە یاسای هەڵبژاردنەکان و کۆمسیۆنی نوێی عێراق دەکرێت.

ئەوەش لەکاتێکدایە، لە هەفتەی رابردوودا پەرلەمانى عێراق خوێندنەوەی یەکەمی بۆ هەڵوەشاندنەوەی ئیمتیازاتی بەرپرسان و هەموارى یەکگرتووى یاسای خانەنشینی کرد.