سەردێڕ:

لە پارێزگاکانى واست و میسان و زیقار وبابل سبەینێ کرایە پشوو

فۆتۆ: 
2019-11-16

5322 جار خوێندراوەتەوە

هەر چوار پارێزگاى میسان و زیقارو بابل و میسان بە فەڕمى سبەى یەکشەممەیان لەسەرجەم دام ودەگاکانى حکومەتدا کردە پشوو.

لەسەر داواى موقتەدا سەدرو بۆ فشارخستنە سەر حکومەتى عێراق لەپێناو جێبەجێکردنى داواکارییەکانى خۆپیشاندەران، سبەینێ مانگرتنى سەرتاسەرى لە عێراق ڕاگەیەندراوە، لە درەنگانێکى ئەمشەودا لە پارێزگاکانى میسان و زیقارو بابل سبەى یەکشەممە ١٧ى تشرینى دووەم کرایە پشوو.

سەندیکاى کارمەندانى نەوت وغازی عێراقیش وەک بەدەمەوە چوونى داواکەى موقتەدا سەدر، مانگرتنیان ڕاگەیاند.

لەپارێزگاى دیوانیەش خۆپیشاندەران دروشمى ''داخراوە بەبڕیارى گەل'' یان بە دەرگاى دامودەزگا حکومییەکاندا هەڵواسیوەو، داوا دەکەن هیچ کەسێک نەچێتە سەرکارەکەى.