سەردێڕ:

پنتاگۆن: هەفتەیەکی دیکە هێزەکانمان لە کۆبانی دەکشێنینەوە

فۆتۆ: 
2019-11-14

4210 جار خوێندراوەتەوە

وەزیری بەرگری ئەمریکا رایگەیاند، کشانەوەی تەواوی هێزەکانی وڵاتەکەی لە شارۆچکەی کۆبانێ هەفتەیەکی دیکەی پێویستە.

مارک ئیسپەر راشیگەیاند، لە ئێستادا نزیکەی ٦٠٠ سەربازی ئەمریکی لە سوریا بوونیان هەیە و بەراورد بە مانگی ڕابردوو، کە دەستکراوە بە کەمکردنەوەی ژمارەی هێزەکانیان، نزیکەی ٤٠٠ سەرباز کشاونەتەوە.

ئاماژەی بەوەشکرد، سەرباری کشانەوەی بەشێک لە هێزەکانیان، بەردەوامن لە هاوبەشیپێکردن و پشتیوانیکردنی هێزەکانی سوریای دیموکرات.

وەزیری بەرگری ئەمریکا وتیشی، هەسەدە ڕۆڵی گرنگی هەیە لە ڕێگریکردن لە سەرهەڵدانەوەی داعش لە سوریا.