سەردێڕ:

وێنەی هاوسەرە دەستگیرکراوەکەی بەغدادی بڵاوکرایەوە

لەلایەن تورکیاوە دەستگیرکرابوو
وێنەی هاوسەرە دەستگیرکراوەکەی ئەبوبەکر بەغدادی
فۆتۆ: میدیاکانی تورکیا
2019-11-07

24313 جار خوێندراوەتەوە

دوێنێ، ڕەجەب تەییب ئەردۆغان – سەرۆکی تورکیا ڕایگەیاند، تورکیا هاوسەری ئەبوبەکر بەغدادی سەرۆکی ڕێکخراوی داعش-ی دەستگیرکردووە و ئەمڕۆش وێنەکەی بڵاوبووەتەوە.

هاوسەری بەغدادی ناوی ئەسما فەوزی محەمەد کوبەیسی-یە و لە کاتی خۆناساندنی بە هێزە ئەمنییەکانی تورکیا، بە ناوی رانیە مەحمود خۆی ناساندووە.

ئەمەش لەکاتێکدایە، رۆژی ٥ی تشرینی دووەمی ٢٠١٩، تورکیا ڕایگەیاندبوو، خوشکێکی ئەبوبەکر بەغدادی و هاوسەر و بوکێکیان دەستگیرکردووە و گواستوونیەتیەوە بۆ تورکیا.

بڵاویشیانکردبوویەوە، خوشکەکەی بەغدادی و هاوسەرەکەی لەژێر ناوی خوازراودا هەتا شەش مانگ لەمەوبەر لە یەکێک لە کەمپی ئاوارەکاندا، لە باکوری ڕۆژهەڵاتی سوریا ژیاون، و دواتریش، چوونەتە شاری ئەعزاز-ی هاوسنوری تورکیا، تا ڕۆژی دەستگیرکردنیان، لەوێ ماونەتەوە.

ڕۆژى ٢٦ی تشرینى یەکەم لە ئۆپراسیۆنێکى هێزە تایبەتەکانی ئەمریکادا لە ناوچەیەکی پارێزگای ئیدلیب ئەبوبەکر بەغدادی سەرۆکی ڕێکخراوی داعش کوژرا.