سەردێڕ:

سبەینێ موچەى ئەم شوێنانە دابەشدەکرێت

موچەى مانگى هەشت
فۆتۆ: 
2019-11-06

99421 جار خوێندراوەتەوە

دیجیتاڵ میدیاى ئێن ئاڕ تى، هەولێر، هێرش قادر

سەرچاوەیەک لە وەزارەتى دارایى بە دیجیتاڵ میدیایى ئێن ئاڕ تى ڕاگەیاند، سبەینێ  پێنج شەممە ٧ى تشرینى دووەمى٢٠١٩ موچەی مانگى هەشتى دیوانی وەزارەتی پێشمەرگە و لیواکان دابەش دەکرێت.

تا ئێستا نۆ موچە بەبێ پاشەکەوت دابەشکراوە، بەڵام نازانرێت چۆنێتی دابەشکردنی موچەى مانگەکانى دیکە چۆن دەبێت.

ڕۆژى ٨ى ئازارى ٢٠١٩ حکومەتى هەرێم کۆتاییهاتنى سیستمى پاشەکەوتى ڕاگەیاند و، موچەى مانگى ١٢ى ساڵى ڕابردووش بەبێ پاشەکەوت دابەشکرا.

ماوەى چەند ساڵێکە بەهۆى کێشەى نێوان حکومەتى هەرێم و ناوەند گرفت بۆ دابەشکردنى موچەى فەرمانبەران لە هەرێم دروستبووەو بەوهۆیەشەوە حکومەت تواناى دابەشکردنى موچەى فەرمانبەرانى نییە و بۆیە زۆرجار دابەشکردنى موچە دوادەکەوێت.