سەردێڕ:

ئەردۆغان: یەپەگە ناوچەی ئارامی جێنەهێشتووە

رەجەب تەییب ئەردۆغان، سەرۆک کۆماری تورکیا
فۆتۆ: ئاژانسەکان
2019-11-05

6663 جار خوێندراوەتەوە

ئەردۆغان ڕایگەیاند، هێزەکانی یەپەگە هێشتا لە هەندێک ناوچە نەکشاونەتەوە کە دەکەوێتە سنوری ناوچەی ئارامەوە و لەگەڵ هێزەکانی ئەمریکا بەردەوامن لە چالاکییەکانی گەڕان.

ئەمرۆ، ٥ی تشرینی دووەمی ٢٠١٩، رەجەب تەییب ئەردۆغان سەرۆک کۆماری تورکیا، لە وتارێکیدا لەبەردەم ئەندام پەرلەمانانی پارتەکەیدا رایگەیاند، تورکیا لە ناوچەکانی سوریا و عێراق دەمێنێتەوە تا ئەوکاتەی ناوچەکە لە هێزە کوردییەکانی نەیاری تورکیا چۆڵدەکرێت.

وتوشیەتی، "سەرەڕای ڕێککەوتنەکان، بەڵام یەپەگە هێشتا تەلرەفعەت و منبج-ی جێنەهێشتووە، تورکیاش بەردەوام دەبێت لە ئۆپراسیۆنەکانی تا ئەوکاتەی ناوچەی ئارام دروستدەکرێت".

ئەردۆغان جەختی لەوەکردەوە کە مەرجی تورکیا بۆ پابەندبوونی بەو ڕێککەوتنانەوە پەیوەستە بە پابەندبوونی ئەمریکا و ڕوسیا بە بەڵێنەکانیانەوە.

مانگی ڕابردوو، دوای ئەوەی ئەمریکا بڕیاری کشانەوەی هێزەکانی لە باکوری سوریا دا،  تورکیا هێرشی سەربازیی کردە سەر ڕۆژئاوای کوردستان و تێیدا سەدان شەڕڤان و هاوڵاتی مەدەنی شەهید بوون و هەزاران هاوڵاتیش ئاوارەبوون.