سەردێڕ:

دۆنالد ترامپ: ئەمریکا سەرکردە نوێیەکەی داعش دەناسێت

فۆتۆ: 
2019-11-01

7639 جار خوێندراوەتەوە

دۆنالد ترامپ سەرۆکی ئەمریکا یەکەم لێدوانی لەسەر سەرکردە نوێیەکەی داعش ئاشکرا کرد و دەڵێیت ''باش دەیناسن''.

دۆناڵد ترامپ سەرۆکی ئەمریکا، ئەمرۆ ١ی تشرینی دووەمی ٢٠١٩ لە تۆری کۆمەڵایەتی تویتەر یەکەم لێداونی لەسەرسەرکردە نوێیەکەی داعش ئاشکرا کرد و باس لەوە دەکات کە دەزانن کێەوە دەیناسن .

ترەمپ وردەکارى زیاترى لەسەر ناسنامەى قورەیشى باس نەکردووە و بەڵام لە تویتێکى پیشتریشدا ئاماژەى بەوەکردبووە، کەسى دووەمى داعش کە دەکرێت جێگرەوەى بەغدادى بێت لە ئۆپراسیۆنەکەى ئیدلبدا کوژراوە.

پێشتر بەرپرسێکى دەزگاى هەواڵگرى عێراق جێگرەوەى ئەبوبەکر بەغدادى سەرکردەى رێکخراوى داعشى ئاشکرا کرد.

ئەو بەرپرسە عێراقییە رایگەیاندبوو، عەبدوڵا قەرداش کە نازناوەکەى (ئەبو عومەر تورکمانییە) بە جێگرەوەى بەغدادى دیاریکراوە.

وتیشى، "پێش ماوەیەک عەبدوڵا قەرداش لەلایەن بەغدادییەوە دیاریکرابوو کە رەزامەندى سەرجەم ئەندامانى شوراى رێکخراوى داعشى وەرگرتبوو".

ئەو بەرپرسە عێراقییە باسى لەوەشکردووە، قۆناغى داهاتووى شەڕى دژى داعش ئاسان نابێت بە کوژرانى بەغدادى، چونکە قەرداش لە بەغدادى خراپترە و پێگەیەکى زۆرى هەیە لە نێو چەکدارانى داعشدا بەگشتى.

عەبدوڵا قەرداش کە نازناوەکەى (ئەبو عومەر تورکمانییە) خەڵکى شارۆچکەى تەلەعفەرە لە خۆرئاواى موسڵ.

رۆژى یەکشەممە ٢٧ى ئۆکتۆبەرى ٢٠١٩ دۆناڵد ترەمپ سەرۆکى ئەمریکا رایگەیاند، پرۆسەیەکى تایبەتییان ئەنجامداوە لە پارێزگاى ئیدلیبى خۆرئاواى سوریا کە هەفتەى رابردووتر رەزامەندى لەسەر پرۆسە تایبەتییەکە دابوو و تێیدا ئەبوبەکر بەغدادى و چەند یاوەرێکى کوژراون.