سەردێڕ:

بە مەڕاسیمێک ماڵئاوایى لەژەنەراڵی پاییز دەکرێت

محمد عمر عوسمان، شاعیری کۆچکردوو.
فۆتۆ: 
2019-10-23

5947 جار خوێندراوەتەوە

ئەمڕۆ لە مەڕاسيمێكدا تەرمى محەمەد عومەر عوسمان ناسراو بە ژەنەراڵی پاییز بەئامادەبونى کەس و کار وهاوڕێکانی بەرەو دوامەنزڵگەى لە گۆڕستانى سەیوان بەڕێدەکرێت.

پۆلیسی سلێمانی شەوى رابردوو رایگەیاند، شاعیرى دیاری کورد محەمەد عومەر عوسمان ناسراو بە ژەنەراڵی پاییز لەماڵەکەی خۆیدا له‌ڕێی‌ خۆهه‌ڵواسینه‌وه‌ خۆی خنکاند و ئەمڕۆش لە مەڕاسيمێكدا کەس و کار وهاوڕێکانی بەرەو دوامەنزڵگەى لە گۆڕستانى سەیوان ماڵئاوایی لێدەکەن و پرسەى لەمزگەوتى عومەرى کورى خەتاب لە سلێمانی بۆ دادەنرێت.

محەمەد عومەر عوسمان لەساڵی ١٩٥٧ لە گەرەکی دەرگەزێنی شاری سلێمانی لە دایکبووە، خوێندی سەرەتایی، ناوەندی و ئامادەیی هەر لە شاری سلێمانی تەواو کردووە لە ساڵی ١٩٧٥ دەستی کردووە بەنوسین و بڵاوکردنەوەی هۆنراوە.

هاوکات ، محمد عومه‌ر عوسمان خاوه‌نی یه‌ك به‌رهه‌مه‌ به‌ناوی (له‌ غوربه‌تا)، كه‌ دوو ماسته‌ر له‌سه‌رى  وه‌رگیراوه‌ هاوكات جگه‌ له‌وەش هۆنراوەکانى بۆته‌ گۆرانی له‌لایه‌ن زۆرێك له‌ هونه‌رمه‌ندانه‌وه‌.