سەردێڕ:

له‌ ڕوداوێكی هاتووچۆدا هاوڵاتیەک گیانی لەدەستدا و شەشی دیکەش برینداربون

فۆتۆ: 
2019-10-19

13285 جار خوێندراوەتەوە

ئه‌مرۆ له‌سه‌ر رێگای سه‌ره‌كی هه‌ولێر خه‌بات پێكدادان لەنێوان ٣ ئوتومبێلى تایبه‌ت ڕویدا کەبوە هۆى گیانلەدەستدانى هاوڵاتیەک و برینداربونى شەش کەسی دیکە.

 فازیڵ حاجى وتەبێژى بەڕێوبەرایەتى هاتوچۆى هه‌ولێربڵاویکردەوە، ئه‌مرۆ له‌سه‌ر رێگای سه‌ره‌كی هه‌ولێر- خه‌بات لەنزیک گوندى کانى قرژاڵە پێكدادان لەنێوان ٣ ئوتومبێلى تایبه‌تى جۆرى ئۆپڵدا ڕویدا، کەبووە هۆى گیان لەدەستدانى هاوڵاتیەک و برینداربونى شەش کەس.

ڕاشیگەیاند،‌ "هۆكاری كه‌وتنه‌وه‌ی روداوه‌كه‌ تیژڕەوی یه‌كێك له‌ئوتومبێلەكان بووە كه‌ له‌هه‌ولێر به‌ره‌وه‌ خه‌بات دەڕۆیشت".

ئاماژەى بەوەشکردوە، "ئەوڕێگایەى کە ڕوداوەکەى  تێدا ڕویداوە ‌ئێستا  کارى نۆژه‌نكردنه‌وه‌ی بۆدەکرێت".

هەروەها، داواشیکرد شۆفێران له‌كاتی  باران باریندا بەوریاییەوە ئوتومبێل لێبخوڕن و پابه‌ندی یاسا و ڕێنماییه‌كان بن، وه‌ لێخوڕین به‌تیژڕەویی ئەنجام نەدەن.

ئەمە لەکاتێکدایە ڕووداوەکانى هاتووچۆ زیادى کردوە و هاوردەکردنى ئۆتۆمبێیلیش بەردەوامە بۆناوهەرێمى کوردستان، کەبەشێک لەهاوڵاتیان  هۆکارى رووداوەکان بۆ زیادبوونی ڕێژەی ئوتومبێل دەگێڕنەوە.