سەردێڕ:

لەبارەی دۆخی رۆژئاواى کوردستان پەکەکە راگەیەندراوێکی بڵاوکردەوە

فۆتۆ: 
2019-10-14

46266 جار خوێندراوەتەوە

پارتی کرێکارانی کوردستان (پەکەکە) لەبارەی دۆخی رۆژئاوای کوردستان راگەیەندراوێکی بڵاوکردەوە و رایگەیاند، ئەگەر کورد پشتیوانی یەکتری نەکەن دەستکەوتەکانى لەناودەچن.

پارتی کرێکارانی کوردستان (پەکەکە) راگەیەندراوێکی لەبارەی دۆخی رۆژئاوای کوردستان بڵاوکردەوە و رایگەیاند، ئەگەر کورد نەبن بە یەک و پشتیوانی یەکتری نەکەن دەستکەوتەکانمان لەناودەچن، هاوکات داواش لە هێزە کوردییەکان دەکات کۆنفرانسی نەتەوەیی ئەنجامبدەن.

ئاماژە بەوەشکراوە، "ئێمە سوپاسی ئەو ١٤ لایەنە سیاسیەی باشور دەکەین کە هەڵوێستیان بەرامبەر رۆژئاڤا دەربڕیوە و پشتیوانی لە بەرخودانی گەلەکەمان لەو پارچەیەی کوردستان دەکەن، داواش لەو لایەنانە دەکەین بۆ بەستنی کۆنگرەی نەتەوەیی هەموو هەوڵێکی خۆیان بخەنەگەڕ بەمەبەستی پاراستنی دەستکەوتی گەلەکەمان".

هەروەها، "داوا لە هەموو پارتە سیاسیەکان، چالاکوانان، هونەرمەندان و رۆشنبیرانی هەرچوار پارچەی کوردستان دەکەین هەوڵبدەن کۆنفرانسی نەتەوەیی ئەنجامبدرێت، چونکە دەوڵەتی تورکیا دەخوازێت گەلی کورد لەناوبەرێت".

ئەمە لەکاتێکدایە، لە ٩ی ئەم مانگەوە ئۆپراسیۆنی سەربازی تورکیا بۆ سەر ناوچەکانی ڕۆژئاوای کوردستان دەستیپێکردووە کە بەهۆیەوە دەیان هاوڵاتی مەدەنی شەهیدبوون، و زیاتر لە ٢٠٠ هەزار کەسیش ئاوارەبوون.

شەوى رابردووش هەسەدە رێکەوتنى لەگەڵ رژێمى سوریا راگەیاند بۆ پاراستنى سنوری رۆژئاواى کوردستان، کە بەپێی رێککەوتنەکە سوپای سووریا ده‌گه‌ڕێته‌وه‌ ناوچه‌ سنوورییه‌كان.