سەردێڕ:

سەرۆکی روسیا: کوردەکان پاسەوانی هەزاران زیندانی داعشیان کردووە، بەڵام ئێستا ناوچەکە جێدەهێڵن

فۆتۆ: 
2019-10-11

18357 جار خوێندراوەتەوە

ڤلادمیر پۆتین سەرۆکی رووسیا رایگه‌یاند، کوردەکان پاسەوانی هەزاران زیندانی داعشیان کردووە، بەڵام ئێستا بەهۆى هێرشەکانى تورکیاوە ناوچەکە جێدەهێڵن.

سەرۆکی روسیا لە لێدوانێکی تەلەڤزیۆنیدا لە میانی سەردانێکیدا بۆ تورکمانستان رایگەیاند، هێرشەکانى تورکیا بۆ سەر رۆژئاوای کوردستان و باکوری سوریا ، رەنگە ببێتە هۆی دووبارە سەرهەڵدانەوەی داعش.

وتیشى، "ئێمە دڵنیا نین لەوەی تورکیا بتوانێت کۆنتڕۆڵی دۆخەکە بکات" .

ئەوەشى خستەروو، ئاماده‌ن بۆ نێوه‌ندگیری له‌ نێوان حكومه‌تی سوریا و كوردانی رۆژئاوای كوردستان".

دەشڵێت،" دڵنیانیم لەوەى سوپاى تورکیا بە خێرایى کۆنترۆڵى دۆخەکە بکات و یان کۆنترۆڵى ئەو چەکدارانە بکات".

پۆتین پرسیار دەکات و دەشڵێت،" ئایا ئەو چەکدرانە بۆ کوێ دەچن؟ لە ڕێگەى خاکى تورکیا یان هەر خاکێکى تر دەڕۆن بەرەو عێراق یان لە خاکێکدا دەمێننەوە کە هیچ کەسێک دەسەڵاتى بەسەردا نەبێت؟".