لە ڕاگەیەندراوێکدا سەرۆکی هەرێمی کوردستان ڕایگەیاند، داوا لەکۆمەڵگەی نێودەوڵەتی و ئەنجومەنی ئاسایش دەکەین چارەسەرێک بۆ سوریا بدۆزنەوە.

ئەوەشی خستووەتەڕوو، لەپێناو ڕاگرتنی شەڕ و دروستکردنی ئارامیدا لە ھەوڵی بەردەوامداین و بۆ ھەموو نێوانگیری و ھاوکارییەک ئامادەین.

وتیشی، ھەر لە سەرەتاوە بە وردی چاودێریی دۆخەکە دەکەین و بە دڵگرانی و نیگەرانییەکی قووڵەوە لە ئۆپەراسیۆنە سەربازییەکانی ڕۆژھەڵاتی فورات لە سووریا دەڕوانین بەتایبەتی کە گرووپە توندڕەوەکانی ئۆپۆزسیۆنی سووریا تیایدا بەشدارن.

دەشڵێت، شەڕ دەرگا بە سەر کوشتار و دەربەدەری و ئاوارەبوونی خەڵکی سڤیل و دروستبوونی ناسەقامگیری لە تەواوی ناوچەکەدا دەکاتەوە و ھەڕەشە و مەترسیی سەرھەڵدانەوەی تیرۆریش جددیتر و گەورەتر دەکات.

لەبەشێکی دیکەی ڕایگەیەندراوەکەیدا، سەرۆکی هەرێمی کوردستان دەڵێت، شەڕ و پێکدادان تەنیا ئاڵۆزی و پشێوی و مەترسی لە ناوچەکە زیاد دەکات، دەسکەوتەکانی تێکشکاندنی داعش لەناو دەبات.