سەردێڕ:

وەزیری بەرگری فەڕەنسا: لە ئەگەری هێرش كردنە سەر باكووری سوریا هەڵوێستی خۆمان دەبێت

فلۆرەنس پاڕلی، وەزیری بەرگری فەرەنسا.
فۆتۆ: 
2019-10-09

7041 جار خوێندراوەتەوە

وەزیری بەرگری فەڕەنسا ڕایگەیاند، ئەگەر سوپای توركیا هێرش بكاتە سەر باكوری سوریا ئەوا پاریس هەڵوێستی خۆی دەبێت.

فلۆرەنس پاڕلی وەزیری بەرگری فەڕەنسا لە كۆنگرەیەكی ڕۆژنامەوانیدا ڕایگەیاند، ”لە نزیكەوە لەگەڵ ئەمریكادا چاودێری باكوری سوریا دەكەن و لە ئەگەری هەر هێرشێكی توركیا بۆ سەر باكوری سوریا ئێمە هەڵوێستی خۆمان دەبێت”.

ئاماژەی بەوەشدا، ”بە هێرشكردنە سەر باكوری سوریا گروپی تیرۆریستی داعش سەرهەڵدەداتەوە و دیسان توندوتیژییەكان دەستپێدەكەنەوە".

ئەوەشی خستەڕوو، هەڵسوكەوتەكانی توركیا لەگەڵ ئامانجەكانی هاوپەیمانێتی دژ بە داعش ناگونجێن و ئەوەشی بونیاد نراوە لە باكوری سوریا لەناودەچێت.

ئەوەش لەکاتێکدایە، دووشەممەی ڕابردوو، سەرۆکى ئەمریکا کشانەوەى هێزەکانى وڵاتەکەی لە باکورى سوریا ڕاگەیاند.