سەردێڕ:

دۆناڵد ترەمپ بە وردی چاودێری جموجوڵەکانی توركیا دەكات

فۆتۆ: 
2019-10-09

3823 جار خوێندراوەتەوە

سەرۆکى ئەمریکا رایگەیاند، هێزەکانی ئەمریکا لە ناوچەیەك كشاونەتەوە کە تەنها ٥٠ سەربازیان هەبووە.

بڕیاری کشانەوەی هێزەکانی ئەمریکا لە ناوچە سنورییەکانی تورکیا و باکوری سوریا، کاردانەوەی فراوانی لێکەوتەوە، هەربۆیە چەند کاتژمێرێک دوای بڕیارەکە، دۆناڵد ترەمپ قسەکانی خۆی گۆڕی و ئێستا بڕیارەکە جۆرێک لە پێچەوانە بووەتەوە.

لە نوێترین لێدوانیشدا دۆناڵد ترەمپ، لەبارەی کشانەوەی هێزەکانیان لە باکوری سوریا ڕایگەیاند، "ئەو ناوچەیەی لێی كشاونەتەوە ناوچەیەكی زۆر بچووكە و ئەوان تەنها ٥٠ سەربازیان لەوێ هەبوو، كە كشاونەتەوە."

باسی لەوەش کرد، بە وردی چاودێری جموجوڵەکانی توركیا دەكات.

شەوی حەوتی ئەم مانگە، دۆناڵد ترەمپ ڕایگەیاند، هێزەکانیان لە باکوری سوریا کشاندووەتەوە و کورد شەڕی لەگەڵ ئەوان کرد، بەڵام ئەمریکا پارەیەکی زۆری پێیان داوە و پێویستییەکانیانى بۆ دابینکردن.