سەردێڕ:

پارێزگاری هەڵەبجە نوسراوی پێکهێنانی ئەنجومەنی پارێزگاکە ڕادەگرێت

پاش ٥٦ کۆبوونەوە
فۆتۆ: 
2019-09-12

1654 جار خوێندراوەتەوە

پارێزگاری هەڵەبجە بە نوسراوێک وەزارەتی ناوخۆی ئاگادارکردۆتەوە کە کار بەنوسراوی پێکهێنانی ئەنجومەنی پارێزگاکە نەکرێت و  رابگیرێت.

ئازاد تۆفیق ڕەحیم پارێزگاری هەڵەبجە لە نوسراوێکدا کە ئەمڕۆ ١٢ی ئەیلول دەرچووە و ئاڕاستەی وەزارەتی ناوخۆی کردووە، ڕایگەیاندووە " داواکارین بە ڕەزامەندیتان کار بە نووسراومان ژمارە ( ١/٣٢١٢ لە ١٠/٩/٢٠١٩ ) مەکەن وە ڕابگیرێت کە لایەنێکی سیاسی کە پێگەیەکی گەورەی لە پێکهێنانی حکومەت و ئەزمونێکی سەرکەوتنی حکومەتی هەرێمی کوردستاندایە واژۆی تەنیا لەسەر پێکهێنانی ئەنجوومەنی پارێزگای هەڵەبجە کردوە و هیچی تر".

ئەم نوسراوەی پارێزگار دوای ئەوە دێت، لایەنە سیاسیەکانی هەڵەبجە جگە لەنەوەى نوێ بە ئیمزای کەسی یەکەمیان لە شارەکە لەسەر پۆستەکانی ئەنجومەن و بەڕێوەبەرە گشتیەکان و چەند پۆستێکی تر رێککەوتن، پارێزگاریش رێکەوتنەکەی ئاراستەی وەزارەتی ناوخۆکرد، بەڵام دواتر سەرکردایەتیی یەکێتی دابەشکردنی پۆستەکانی رەتکردەوە.

 هەر لەبارەى رێککەوتنى ئەو لایەنانەوە بۆ پێکهێنانى ئەنجومەنى پارێزگاى هەڵەبجە، جوڵانەوەى نەوەى نوێ تەنها هێزى سیاسیى بوو کە هەر لەسەرەتاوە ئەو شێوە رێککەوتن و دابەشکردنەى رەتکردەوەو، ئامادە نەبوو بەشدارى لەئەنجومەنەکەدا بکات، بەوەش تەنها هێزى ناڕازى بوو بەرامبەر ئەو رێککەوتنە.

رێککەوتنەکە تاوەکو هەڵبژاردنی داهاتووی ئەنجومەنی پارێزگاکان کاری پێدەکرێت، رێککەوتنی ساڵی ٢٠١٧ش کە بۆ دابەشکردنی پۆستەکان لەسەری رێککەوتوون ناوەڕۆکەکەی بەمجۆرەبوو:

 پارێزگای هەڵەبجە ١٤بەڕێوەبەری گشتی هەیە:

یەکێتی چوار بەڕێوەبەر

لیستی خزمەت چوار بەڕێوەبەر

گۆڕان سێ بەڕێوەبەر

پارتی سێ بەڕێوەبەر