سەردێڕ:

هەسەدە: هەموو هەوڵێک دەدەین تاوەکو لەگەڵ تورکیا بگەینە لێکتێگەیشتن بە هەماهەنگى ئەمریکا

فۆتۆ: 
2019-08-24

2893 جار خوێندراوەتەوە

فەرماندەى گشتى هێزەکانى سوریاى دیموکرات رایگەیاند، ئەوان هەموو هەوڵێک دەدەن تاوەکو بگەنە لێکتێگەیشتن لەگەڵ تورکیا بە هەماهەنگى ئەمریکا.

مەزڵوم عەبدى فەرماندەى گشتى هەسەدە ڕایگەیاند، چەند رێککەوتنێکى سەرەتایی کراوە بۆ چەسپاندنى ئاسایش لە خاڵە سنورییەکان و ئەوانیش وەکو هەسەدە بەشێک دەبن لەو ڕێککەوتنانە.

فەرماندەى گشتى هەسەدە داواشی لە حکومەتى سوریا کرد، دانوستان لەگەڵ ئیدارەى خۆبەڕێوەبەرى و هێزەکانى سوریاى دیموکرات بکەن لەسەر بنەماى دانپێدانان بە مافە دەستورییەکانى گەلى کورد لە سوریا.

مەزڵو عەبدى جەختیشی کردەوە، عەفرین دەبێتە هەنگاوى یەکەم بۆ سەرکەوتنى پرۆسەى ئاشتى لەگەڵ تورکیا و بەبێ گەڕانەوەى خەڵکى عەفرین بۆ ماڵەکانى خۆیان، ئاشتى لە سوریا دەستەبەر نابێت.

ئەم داواکارییەى فەرماندەى هێزەکانى سوریاى دیموکرات لەکاتێکدایە کە وەزارەتى بەرگرى ئەمریکا ڕایگەیاند،هەسەدە پابەند بووە بە جێبه‌جێكردنی میكانیزمی ئاسایشى سنورى ناوچەى ئارام و بارەگاکانى لە سنورى ئەو ناوچەیەدا چۆڵکردووە.