سەردێڕ:

هەولێر.. یەکەی نیشتەجێبوون بەسەر کەسانی هەژار و کرێنشیناندا دابەشدەکرێن

فۆتۆ: 
2019-08-24

8452 جار خوێندراوەتەوە

دیجیتاڵ میدیای ئێن ئاڕ تی، هەولێر، هێڕش قادر

وەزارەتی ئاوەدانکردنەوە ونیشتەجێکردنی حکومەتی هەرێم ئامادەکاری دەکات بۆ ئەوەی لە چەند رۆژی داهاتوودا ژمارەیەک یەکەی نیشتەجێبوون بەسەر هاوڵاتییانی کەمدەرامەت و کرێنشین لە شاری هەولێردا دابەشبکات.

پەیامنێری دیجیتاڵ میدیای ئێن ئاڕ تی رایگەیاند، ژمارەیەک یەکەی نیشتەجێبوون بۆ هاوڵاتییانی کەمدەرامەت و کرێنشینان بەشێوازی شووقە دروست کراوە  و بڕیارە بەسەر ئەو هاوڵاتییانەدا دابەشبکرێت کە فۆرمی داواکارییان پێشکەش کردوە.

ئاماژەی بەوەشکرد، یەکە نیشتەجێبوونەکان بە شێوازی شووقە دروستکراون  کە پێکهاتووە لە ٣٦٩ شووقە  و لە ئێستادا زۆربەی کارەکان تەواوکراون و تەنها کارەکانی ئاوەڕۆ و  ڕێگەوبانی ناو پرۆژەکە ماوە،

 ئەوەشی خستەڕوو، وەزارەتی ئاوەدانکردنەوەی حکومەتی هەرێمی کوردستان لایەنی جێبەجێکاری پرۆژەکەیە و بڕیارە لە چەند رۆژی داهاتوودا دابەشبکرێن.

بەگوێرەی بەرنامەی وەزارەتی ئاوەدانکردنەوەیش ئەم یەکەی نیشتەجێبوونانە بەسەر ئەو کرێنشینانەدا دابەشدەکرێت کە لەماوەی ڕابردودا فۆرمی داواکاری یەکەی نیشتەجێبوونیان پێشکەشی وەزارەت کردووە.