سەردێڕ:

ئەمریکا کاروانێکى دیکەى سەربازى رەوانەى رۆژئاواى کوردستان کرد

فۆتۆ: 
2019-07-08

4429 جار خوێندراوەتەوە

ڕوانگەى سورى ڕایگەیاند، ١٧یەمین کاروانى مرۆیى و سەربازى لە ڕێڕەوەى سێمالکاوە لە سنورى هەرێمى کوردستانەوە گەیشتە ناوچەکانى ژێرکۆنترۆڵى هێزەکانى سوریاى دیموکرات.

ڕوانگەى سورى بۆ مافەکانى مرۆڤ ئاماژەى بەوەشکردووە، ٢٤ى حوزەیرانى ڕابردوو کاروانێکى دیکەى چەک و کەرەستەى سەربازى کە دەیان بارهەڵگربوون گەیەنرانە دەستى هێزەکانى سوریاى دیموکرات .
ئەوەشیخستووەتەڕوو، تائێستا هەزار و ٤٥٠ بارهەڵگرى پڕ لەهاوکارى مرۆیی و کەرەستەى سەربازى و بیناسازى گەیەنراوەتە ژێر دەستى هێزەکانى سوریاى دیموکرات لە ناوچەکانى ڕۆژهەڵاتى ڕوبارى فورات.

ئەوە لە کاتێکدایە زیاتر لە ساڵێکە کۆتایهاتنى داعش لە ڕۆژئاواى کوردستان و سوریا ڕاگەیەنراوە، بەڵام تا ئێستاش زیاتر لە ١٧ کاروانى سەربازى گەیەنراوەتە دەست هێزەکانى سوریاى دیموکرات(هەسەدە) لە ڕۆژئاواى کوردستان.

ب.ب