سەردێڕ:

هەڵەبجە.. لە مانگی ڕەمەزاندا نرخی بەشێک لە خۆراک و کاڵاکان بەرزبوونەتەوە

فۆتۆ: 
2019-05-11

1188 جار خوێندراوەتەوە

لەگەڵ هاتنی مانگی ڕەمەزان نرخی بەشێک لە خۆراک و کاڵاکان لە هەڵەبجە بەرزبوونەتەوە، قائیمقامى شارەکەش داوای لە هاوڵاتیان کرد دەربارەی سەرپێچییەکان ئاگاداریان بکەنەوە.


لەگەڵ هاتنی مانگی ڕەمەزان نرخی بەشێک لە خۆراک و کاڵاکان لە هەڵەبجە بەرزبوونەتەوە،  قائیمقامى شارەکەش داوای لە هاوڵاتیان کرد دەربارەی سەرپێچییەکان ئاگاداریان بکەنەوە.

نوخشه‌ ناسیح، قائیمقامى هه‌ڵه‌بجه ‌ئاماژەی بەوەکرد، له‌ هه‌ڵه‌بجه‌ و شاره‌كانى ترى هه‌رێمیش هه‌موو ساڵێك له‌ مانگى ڕه‌مه‌زان نرخى به‌شێك له‌ خواردن و كاڵاكان به‌رز ده‌بێته‌وه‌، بۆیه‌ به‌پێى ڕاگه‌یه‌نراوەکە و ئاگاداریه‌كانى یه‌كه‌ ئیدارییه‌كان بێت، لیژنه‌كانى ئابوورى قه‌زا و ناحیه‌كان ڕێگه‌ ناده‌ن به‌ زیاد كردنى نرخ و داوا له‌هاوڵاتییان ده‌كه‌ن ئاگاداریان بکەنەوە لە سەرپێچییەکان.

هه‌ر له‌گه‌ڵ یه‌كه‌م ڕۆژى ڕه‌مه‌زاندا به‌ بڕیارى لیژنه‌كانى قائیمقامییه‌ت ده‌بێت سه‌رجه‌م چێشتخانه‌ و ڕێستۆرانت و چایخانه‌كان دابخرێن یان پەردە دابنێن وه‌ك ڕێزگرتنێك له‌م مانگه‌، جگه‌ له‌و سێ شوێنه‌ى ناوشار كه‌ مۆڵه‌تى پێشوه‌ختیان وه‌رگرتووه‌، بەڵام ڕێگه به‌ كردنه‌وه‌ى سه‌رجه‌م چێشتخانه‌ و ڕێستۆرانته‌كانى ناوچه‌ گه‌شتیاریه‌كان دراوە و دەشبێت له‌ ڕۆژانى جه‌ژنیشدا كراوه‌بن و چاودێرى نرخه‌كانیشان ده‌كریت.

هـ.ع