سەردێڕ:

ئاسایشی سلێمانی: ماددەی هۆشبەر لە ناو ​کەرەستەى جوانکارییدا هێنراوەتە هەرێم

فۆتۆ: 
2019-03-17

1744 جار خوێندراوەتەوە

بەڕێوەبەری بەرەنگاربونەوەی ماددە هۆشبەرەکان لە ئاسایشی سلێمانی رایگەیاند، زیاتر لە کیلۆیەک مادەی هۆشبەر دەستی بەسەردا گیراوە کە لە رێگەی کەلوپەلی جوانکارییەوە هێنراوەتە کوردستانەوە .


بەڕێوەبەری بەرەنگاربونەوەی ماددە هۆشبەرەکان لە ئاسایشی سلێمانی رایگەیاند، زیاتر لە کیلۆیەک مادەی هۆشبەر دەستی بەسەردا گیراوە کە لە رێگەی کەلوپەلی جوانکارییەوە هێنراوەتە کوردستانەوە .

جلال ئەمین بەگ بەرێوەبەری بەرەنگاربوونەوەی ماددە هۆشبەرەکان لە ئاسایشی سلێمانی لە کۆنفرانسێکی رۆژنامەنوسیدا رایگەیاند، دەستیانگرتووە بەسەر زیاتر لە کیلۆیەک ماددەی هۆشبەر کە لە رێگەی کەلوپەلە جوانکارییەکانەوە هێنراوە و داپۆشراوە بە جۆرە کاغەزێکی تایبەت تا هێزە ئەمنیەکان  نەیدۆزنەوە .

باسی لەوەشکرد، ئەو جۆرەی دەستی بەسەرداگیراوە لە جۆری تلیاکە و بە شێوەی شیلەش هێنراوەتە ناوەوە بۆ ئەوەی مەترسی خراپ بوونی نەبێت .

ئاماژەی بەوەشدا، شێوازی پێچانەوەکەی ئەوەمان بۆ ڕووندەکاتەوە لە هەرێم بازرگانی بە ماددەی هۆشبەرەوە دەکرێت و دەنێردرێتە دەرەوە .

جەلال ئەمین بەگ ، داوای لە هاوڵاتیان کرد هەر کەلوپەلێکی جوانکاریان بینی و جێی گومان بوو هێزەکانی ئاسایشی لێ ئاگادار بکەن.

ئەمە لە کاتێکدایە ماوەیەکە هێنانی مادەی هۆشبەر بووەتە دیاردە لە هەرێمی کوردستان و هێزە ئەمنییەکان بەردەوامن لە گەران و پشکنین بۆ دەستگرتن بەسەر ماددەکان و دەستگیرکردنی ئەو کەسانەی بەکاری دەهێنن یان بازرگانی پێوە دەکەن و رێکێخراوەکانی کۆمەڵگەی مەدەنیش  بەردەوامن لە پێدانی هۆشیاری دەربارەی زیانەکانی ئەو  ماددانە .

 






‌بەپەلە