سەردێڕ:

وەزیری دەرەوەی ئێران گەیشتە هەولێر

 شاندێکی بازرگانی لەگەڵدایە
محەمەد جەواد زەریف وەزیری دەرەوەی ئێران گەیشتە هەولێر
فۆتۆ: رێناس عەلی
2019-01-15

6112 جار خوێندراوەتەوە

وەزیرى دەرەوەى ئێران بەسەردانێکى فەرمى گەیشتە هەرێمى کوردستان و لەگەڵ بەرپرسانى هەرێم کۆدەبێتەوە.


 دیجیتاڵ میدیاى ئێن ئاڕ تى، هەولێر، ڕێناس عەلى

وەزیرى دەرەوەى ئێران بەسەردانێکى فەرمى گەیشتە هەرێمى کوردستان و لەگەڵ بەرپرسانى هەرێم کۆدەبێتەوە.

سەرلەبەیانى ئەمڕۆ سێشەممە محەمەد جەواد زەریف وەزیرى دەرەوەى ئێران لەڕێگەى فڕۆکەخانەى نێودەوڵەتیى هەولێرەوە گەیشتە هەرێم و لەلایەن نێچیرڤان بارزانى سەرۆک حکومەتى هەرێم  و فەلاح مستەفا بەرپرسی پەیوەندییەکانى دەرەوەى هەرێم و چەند بەرپرسێکى تر پێشوازی لێدەکرێت.

پەیامنێرمان ڕایگەیاند، بڕیارە وەزیرى دەرەوەى ئێران لەگەڵ هەریەکە لە نێچیرڤان بارزانى سەرۆکى حکومەتى هەرێم و ژوورى بازرگانى و پیشەسازی و ژمارەیەک بەرپرسی باڵاى حکومى کۆببێتەوە.

سەردانەکەى وەزیرى دەرەوەى ئێران کە هاوکات شاندێکى بازرگانیشی لەگەڵدایە، بەمەبەستى بەرەوپێشبردنى پەیوەندییە بازرگانییەکانى نێوان ئێران و هەرێمە.

ئ.ر