چارەسەری غازاتی سک لە منداڵی ساوادا

2020-11-23

5898 جار خوێندراوەتەوە

+ -

منداڵی ساوا بەتایبەت منداڵانی شیرەخۆر بەدەست ئازاری سک و غازاتەوە دەناڵێنن، چ بەهۆی گریانی زۆر و قوتدانی هەوا لەکاتی خواردنی شیر و بوونی بەکتریا لە ڕیخۆڵەیاندا دروست دەبێت.

ماڵپەڕی سوپەر ماما چۆنێتی خۆپاراستن و چارەسەرکردنی غازاتی سکی منداڵی ساوای خستووەتە ڕوو، ئەوانیش:

-پێویستە منداڵ دوای چەند چرکەیەک لە خواردنی شیر "قرقێنە" لێبدات.

-مەساجکردنی بۆ منداڵ ئەویش جوڵاندنی قاچەکانی بەشێوەی پایدەرلێدانی پاسکیل و بە زەیت سکی بشێلرێت.

-دانانی منداڵ لەسەر سک.

-منداڵەکە لە گەرماوێکدا بشۆرێت کە ئاوەکەی شلەتێن بێت.

-لە کاتی شیرپێدان پێویستە سەری منداڵەکە بەرزتر بێت لە سکی.

-سەرە مەمەی شیری منداڵەکە کونەکەی بچوک بێت و بەخێرای شیرەکە نەچێتە دەمیەوە.