گەنجترین سەرۆک وەزیرانی جیهان نهێنی سەرکەوتنی ئاشکرادەکات

2019-12-15

13678 جار خوێندراوەتەوە

+ -

گەنجترین سەرۆك وەزیران لەجیهاندا كە تەمەنی ٣٤ ساڵە دەڵێت، "نهێنیی سەركەوتنەكانی ئەوەیە هەست ناكات كەسێكی نمونەیی و لێهاتووبێت."

سانا مارین ژنێكی فینلەندیی تەمەن ٣٤ ساڵە، رۆژی ١٠ى ئەم مانگە پۆستی سەرۆك وەزیرانی ئەو وڵاتەی گرتە دەست، مارین دوای دوو رۆژ لە وەرگرتنی پۆستەكە شانبەشانی ئەنگێلا مێركڵ ڕاوێژكاری ئەڵمانیا و ئیمانوێل ماكرۆنی سەرۆكی فەرەنسا و سەرۆكانی وڵاتانی دیكەی ئەوروپا بەشداری لە كۆبوونەوەی لوتكەی یەكێتی ئەوروپاكرد.

سانا مارین كە بەگەنجترین سەرۆك وەزیران لەجیهاندا دادەنرێت بۆ ئاژانسەكانی هەواڵ ڕایگەیاندووە، نهێنی سەركەوتنەكانی ئەوەیە كە هیچ كات خۆی بەكەسێكی نمونەیی و لێهاتوو نەزانیوە، دەشڵێت "سەبارەت بەكەسانی دیكە من نمونەیی و لێهاتووم بەڵام، خۆم هیچ كات ئەوهەستەم بۆ دروستنەبووە كە خۆم وەك كەسێكی جیاواز یان كارامە و لێهاتوو ببینم بەڵكو هەموو مرۆڤین و هەموومان گرنگین."

سەرۆكە گەنجەكەی فینلەندا ئاماژەی بەوەشكردووە، نهێنی سەركەوتنەكانی دڵسۆزییە لەكاركردنیدا.

سێشەممەی ڕابردوو، ١٠ى كانونی یەكەم سانا مارین پۆستی سەرۆك وەزیرانی فینلەندای وەرگرت و بووە گەنجترین كەس لەو پۆستەدا لەسەر ئاستی جیهان، ڕاشیگەیاند، لە داهاتوویەكی نزیكدا لەگەڵ سەرۆكی وڵاتانی یەكێتی ئەوروپا كاردەكەن و هاوكاری یەكێتییەكەش دەبێت.