وێنە.. چواردەهەمین فێستیڤاڵی نێودەوڵەتیی شانۆی سەرشەقامی مەریوان

2019-08-24

1861 جار خوێندراوەتەوە

+ -

دیجیتاڵ میدیای ئێن ئاڕ تی، مەریوان، عومەر فەتاح

چواردەهەمین فێستیڤاڵی نێودەوڵەتی شانۆی سەرشەقامی مەریوان، ئەمڕۆ شەممە ٢٤ی ئابی ٢٠١٩ لە پارکی میللەت لە شاری مەریوانی ڕۆژهەڵاتی کوردستان دەستی پێکرد.

لە لێدوانێکدا بۆ دیجیتاڵ میدیای ئێن ئاڕ تی، فاروق حەسەن پور سەرپەرشتیاری فێستیڤاڵەکە ئاماژەی بەوەکرد، ئەمساڵ ھەوڵیانداوە کارو گروپی جیاواز بانگھێشت بکەن، ناوەرۆک و پەیامە شانۆییەکانی ئەم خولە لەئاستێکی بەرزدان.

لەفێستیڤاڵی ئەمساڵدا ٣٨ گروپ بەشدارن و لە ٨٥ شوێنی جیاواز نمایشەکانیان پێشکەش دەکەن.

گروپەکان لە ٢١ پارێزگای ئێران و ١٣ وڵاتی دەرەوە وەک ئەرمەنستان، ڕووسیا، ئیتالیا، بەرازیل و عێراقەوە بەشدارن، لە ھەرێمی کوردستانیشەوە یەک کاری ھاوبەشی نێوان ھونەرمەندانی سلێمانی و مەریوان  بەناوی (کاتژمێر نۆ) لە فێستیڤاڵەکەدا بەشدارە.