AM:10:55:15/07/2021
744 جار خوێندراوەتەوە
+
-
پشتی ڕاگەهاندنا موقتەدا سەدر دەربارەی ڤەکشیانا ڕەوتا وی دهەلبژارتنێن داهاتیێن پەرلەمانێ عێراقێ دا، کۆمسیۆنا بلندا سەربەخۆیا هەلبژارتنان راگەهاند، کۆمسیۆنێ دەرگەهێ پاشڤەکشیانا پارت و ئالیان داخستیە و نەشێن خۆ ڤەکێشن.
ئەڤرۆ پێنجشەمبی، جومانە غەلای پەیڤدارێ کۆمسیۆنا بلندا سەربەخۆیا هەلبژارتنێن عێراقێ د داخویانیەکێ دا بۆ میدیایێن ناڤخۆیی ڕاگەهاند، کۆمسیۆنێ دەرگەهێ پاشڤەکێشانا پارت و لیست و قەوارەیان داخستیە، پشتی وێیەکێ ناڤێ لیست و بەربژێران پەسەندکری.
ئاماژە ب وێیەکێ ژی کر، هەیا نها چ داخازیێن فەرمی ژ ئالیێ ڕەوتا سەدر ڤە دەربارەی ڤەکشیانا وێ دهەلبژارتنێن داهاتی دا نەگەهشتنە کۆمسیۆنا بلندا سەربەخۆیا هەلبژارتنان.
زەلال ژی کر، دنهادا چاڤەرێ دهێتەکرن بڕیارا جڤاتا مۆکسیاران دەربارەی پێشهاتێن ڤەکشیانا ڕەوتا سەدر.
ئەو یەک ژی بەرچاڤکر، پێداگریێ دکەت لسەر وێیەکێ کو ڤەکشیانا ڕەوت و قەوارە و لیستان هاتیە گرتن و چ کارتێکرن لسەر بازنەیێن هەلبژارتنان نابیت.