PM:10:23:27/01/2022
1152 جار خوێندراوەتەوە
+
-
وەزارەتا دەرڤەیا ئەمریکا
هایداری دایە وەلاتیێن خۆ دەربارێ گەشتکرنا وان بۆ ئیماڕاتێ. دبێژیت ژی، "سەدەمێ
وێ هێرشا حوسیان بۆ سەر وی وڵاتی و بەلاڤبوونا کۆرۆنایێ یە".
ئەڤرۆ پێنجشەمبی، وەزارەتا
دەرڤەیا ئەمریکا هایداری دا وەلاتیان ب سەدەمێ هێرشا حوسیان ب موشەکێن بالیستی و
درۆنان بۆ سەر ئیماراتێ و زێدەتر بەلاڤبوونا کۆرۆنایێ ل وی ولاتی، گەشتێ بۆ ئیماڕاتێ
نەکەن.
ڕۆژا دووشەمبیا حەفتیا
دەربازبووی، حکومەتا ئیماڕات ڕاگەهاند، حوسیێن یەمەنێ ب دوو موشەکێن بالیستی هێرش
کریە سەر باژێڕێ ئەبوزەبی و ژئالیێ سیستمێ بەڕەڤانیا ئەسمانیا وی ولاتی بەری گەهشتنێ
ب ئارمانجا وان تێکشکاندن.
ڕۆژا ئێکشەمبیا حەفتیا
دەربازبوی ژی، د ئەنجامێ کەفتنەخارا موشەکەکا بالیستیا حوسیان ل دەڤەرا جازان ل
باشورێ سعودیا دوو کەس برینداربوون.
هەروەسا، ژدەسپێکا ڤێ حەفتیێ،
بۆ جارا دووێ حوسیان ب موشەکێن بالیستی هێرش کرە سەر باژێڕێ ئەبوزەبی و چەند دەڤەرێن
سعودییا دئەنجامدا و هەڕەشەیا بەرفڕەهیا ڕوبەرێ هێرشان ل ئیماڕات کر.