PM:05:40:27/01/2022
1172 جار خوێندراوەتەوە
+
-
وەزارەتا ساخلەمیێ بڕیاردا،
قورچکا سێ یا ڤاکسینا کۆرۆنایێ بۆ ژیێ سەرڤەی ١٨ ساڵیێ وەکی ڕێکارێن بەرێ پێ بهێتەدان.
لدویڤ نڤیسارا وەزارەتا
ساخلەمیێ یا ئاڕاستەی ڕێڤەرایەتیێن گشتیێن ساخلەمیێ کری ل هەمی ئیدارەیێن هەرێمێ، پشتی
جڤینا لیژنەیا زانستیا ڤەکۆلینێ بۆ بەرنامێ کوتان ب مەرەما بلندکرنا بەڕەڤانیا لەشی
ژ ڤایرۆسا کۆرۆنایا گۆهڕی ئۆمیکرۆن بڕیار هاتیەدان ب پێدانا قورچکا سێیێ یا ڤاکسینێ.
ئەڤەژی ددەمەکی دایە،
سامان بەرزنجی وەزیرێ ساخلەمیا هەرێمێ ل ٤ ێ مەها کانونا ئێکێ یا ساڵا دەربازبووی ڕاگەهاند
وەزارەتا ساخلەمیێ بڕیار دایە پێدانا قورچکا
سێ یا ڤاکسینا کۆرۆنایێ بچیتە بیاڤێ جێبەجێکرنێ.
دداویێن سالا ٢٠١٩ ێ دا،
ل باژێڕێ وهان یێ چینێ ڤایرۆسا بەربەلاڤا کۆرۆنایێ سەرهەڵدا و پشتی دەمەکی ژی زۆربەیا
وڵاتێن جیهانێ ڤەگرت و ب وێ سەدەمێ ژی، حکومەتێن وڵاتان کەرەنتینە و قەدەغەیا هاتن
و چوونێ ڕاگەهاندن و گەشتێت ئەسمانی کرنە پیادە، هەیا نهاژی ٣٦٣ ملیۆن و ٦٩٣ هزار
و ١٣٨ هزار کەس توشی وێ ڤایرۆسێ بوونە، پێنج ملیۆن و ٦٤٧ هزار و ٤٧٠ کەسان ژی ژبەر
وێ ڤایرۆسێ ژیانا خۆ ژدەستدایە.